ايجي سبورت - وقال عصام الحضري عبر قناة «أون سبورت»: «بنبارك لـ حسام حسن واللاعيبة والجهاز الفني، ونتمنى يرجعوا منصورين من بوركينا فاسو، كلنا داعمين بقيادة حلمي طولان للمنتخب الأول مع حسام حسن».

وأضاف: «مش عيب إنك تعتذر وتقول إن في سوء فهم حصل، أنا طول عمري أنا وأحمد حسن بنتكلم ونهزر، الناس فهمت إننا بنتكلم حاجة، إحنا عندنا اثنين عمد، عميد لاعبي العالم أحمد حسن وعميد لاعبي العالم حسام حسن».

وأكمل: «التوقيت ممكن كان يكون غلط لكن نيتي مش نية وحشة. أنا بتأسف ومش عيب إني بتأسف وكلمت هاني أبوريدة».

وأكد عصام الحضري: «إن شاء الله حسام حسن يرجع من بوركينا فاسو بالفوز والتأهل إلى كأس العالم 2026».

وأضاف: «بإذن الله بقيادة حسن حسن نكسب بوركينا فاسو في أرضهم، وتحقق آمال الشعب المصري كله».

كما تابع: «كلنا بندعم منتخب مصر في تصفيات كأس العالم وكمان في بطولة أمم أفريقيا وهنشوف كل مبارياته بالتأكيد».

يمكنك مشاركة الخبر علي صفحات التواصل