«حياتي في خطر وبيهددني» بهذه الكلمات أطلقت الفنانة إيرينا يسري نداء استغاثة، من معجب يطاردها في كل مكان تتواجد فيه، وذلك بعد ظهورها مؤخرًا في مسلسل «كلهم بيحبوا مودي» والذي عٌرض ضمن دراما رمضان 2026، مطالبة الجهات المختصة بحمايتها من الخطر التي تواجهه بشكل يومي.

استغاثة إيرينا يسري من معجب يطاردها

ونشرت الفنانة إيرينا يسري منشورا، عبر حسابها الشخصي بموقع «إنستجرام»، جاء فيه: «أنا حياتي في خطر، أنا أول مرة في حياتي أكتب حاجة بالشكل ده، ودايمًا محافظة على خصوصية حياتى الشخصية بس لما الأمر يهدد حياتي ومستقبلي والناس المحيطين بي، فأنا مش قادرة أسكت عنه.. من ساعة ما أخدت لقب ملكة جمال ودخلت أول مسلسل لي في التمثيل، وفي شخص اسمه بلال بيتابعني وبيكتبلي كومنتات غريبة جدًا، يبان إنه مُختل، وفاكر إن هو مودي وأنا لارا ومصدق ده من ضمن احداث المسلسل».

وأضافت: «كنت بأخد الموضوع بضحك زي أي معجب، الموضوع اتطور إنه بيعرف أنا موجودة، فين ويجيلي عند المكان اللي أنا فيه، ومعاه خاتم ويقولي ده خاتم جوازنا!، الموضوع يبان كوميدي وبيضحك لأي حد مستمع وممكن الموضوع ميتصدقش، إنما أنا عاملة سكرين شوت لكل كلامه واعترافاته بملاحقته لي فى الأماكن والتهديدات وأنا مصوراه بموبايلي وهو قدام عربيتي وبيهددني إن أي حد يقرب مني هيقتله».

وتابعت: «لدرجة إنه تعدى على السواق الخاص بي بالضرب، وجري لما كنا هنكلم الشرطة، أنا معرفش بيعرف الأماكن اللي أنا فيها إزاي، الموضوع وصل إن من خوفي لما أشوفه قدامي بيغم علي في الشارع».

آخر أعمال إيرينا يسري

وشاركت الفنانة إيرينا يسري مؤخرًا في دراما رمضان 2026 بمسلسل «كلهم بيحبوا مودي» بطولة عدد من نجوم الفن أبرزهم ياسر جلال، آيتن عامر، ميرفت أمين، مصطفى أبو سريع، وعدد آخر من النجوم والعمل من تأليف أيمن سلامة وإخراج أحمد شفيق.

ياسر جلال مفاجأة رمضان 2026.. بطولة كوميدية وتجربة غنائية جديدة

بعد الانتهاء من «كلهم بيحبوا مودي».. أيتن عامر تستعد لـ «حق ضايع»