هرم مصر - أعلن المخرج محمد سامي، عودته للدراما من جديد من خلال مسلسل “رد كليتي”، والذي أعلن أنه يبدأ التحضير فيه خلال الفترة المقبلة.

وقال محمد سامي في منشور له عبر حسابه الشخصي على موقع التواصل الاجتماعي فيس بوك: رد كليتي للمخرج محمد سامي، بسم الله، بكتب مسلسل جديد، سيكون بأمر الله الأهم في مسيرتي الفنية والأعلى مشاهدة وجدل وحكاية جديدة لم يتم تناولها من قبل في أي عمل فني سواء عالمي أو محلي، هصور إمتى ومين الأبطال وهينزل إمتى؟!، كل ده معرفوش لسه ولا في بالي.

تفاصيل عودة محمد سامي للدراما بعد اعتزاله بمسلسل جديد

واستكمل: اللي أعرفه إنه هيكون أرقى وأميز أعمالي وسيكون عملا يحترمه ويقدره كل بيت عربي، ادعولي يخلص بنفس القوة اللي بدأ معايا بيها، اللي مفرحني في العمل ده، إني كنت بحاول ألاقي معادلة صعبة جدا بالنسبالي وهي إزاي العمل الجماهيري النهاردة بمتطلبات السوق يكون فني بحت زي أعمال كتير اتقدمت زمان من أساتذتنا وإزاي أقدر أخد موضوع يهم المجتمع لقوة الجذب اللي اعتادها الجمهور العربي مني، وما تبقاش مشاهداته محدودة أو نخبوي مع احترامي لمحبي الأعمال النخبوية، وإزاي أغير تماما عن كل حاجة قدمتها وأعمل بنصيحة الأستاذ طارق الشناوي وهي التغيير قبل تشبع الجمهور والحمد لله لقيت ده في مشروعي الجديد، الله الموفق ويكمل إن شاء الله على خير.