هرم مصر - أكد خالد الغندور نجم نادي الزمالك السابق، أن محمد صلاح قائد منتخب مصر وليفربول الإنجليزي، من مشجعي القلعة البيضاء.

تحيا مصر، وكتب خالد الغندور عبر حسابه الرسمي"فيس بوك": محمد صلاح أسطورة العالم والده طلع قال بيميل للزمالك، و العقباوي كابتن صلاح في المقاولون قال صلاح زملكاوي و اخيراً باسم علي لاعب الاهلي السابق، و زميل صلاح في المقاولون قال صلاح زملكاوي و بيحب الزمالك جدا و في نهائي القرن طلع صلاح و قال طبعا انتم عارفين أنا نفسي مين يكسب".

باسم علي يروي موقف طريف مع محمد صلاح 

وقال باسم علي في تصريحات إذاعية: “دي واحدة من الحاجات اللي عمري ما نسيتها لمحمد صلاح.. كنت لسه جايب أول عربية في حياتي، وصلاح خدها علشان يروح مشوار، ولما رجع حصل موقف غريب”.

وأضاف: “كان راكن العربية، وفيه باص خبطها والفانوس اللي ورا اتكسر.. وأنا مكنتش أعرف حاجة”.

وتابع باسم ضاحكًا: “بعد يومين تلاتة، وأنا بفتح العربية لقيت فانوس جديد في الشنطة، وجايبه وركبه من غير ما يقولي، وبيضحك قالي: زي ما خدتها منك رجعتها زي ما هي سليمة". 

واعتبر باسم أن هذا الموقف يعكس شخصية محمد صلاح، واحترامه للناس وحرصه على التفاصيل الصغيرة، قائلاً: “الموضوع بسيط، لكنه فضل في دماغي.. ناس كتير ممكن تتجهل أو تتعامل عادي، لكن صلاح كان حريص إنه يصلح الضرر من غير حتى ما يطلب مني أي حاجة ”.

ماذا يحتاج منتخب مصر للتأهل لنهائيات كأس العالم 

ويتصدر منتخب مصر مجموعته برصيد 19 نقطة، جمعهم من خلال الفوز في 6 مباريات، تعادل في مباراة وحيدة، ويفصله 5 نقاط عن أقرب ملاحقيه منتخب بوركينا فاسو صاحب المركز الثاني برصيد 14 نقطة.

ويحتاج منتخب مصر، للفوز في مباراته القادمة أمام منتخب بوركينا فاسو، حتى يحسم تأهله رسميًا لنهائيات كأس العالم.

في حالة تعادل الفراعنة، يحتاج للفوز في مباراة الجولة القادمة أمام منتخب غينيا بيساو، مع تعثر منتخب بوركينا فاسو أمام جيبوتي.