رد أحمد حسن مدير منتخب مصر على تصريحات أحمد شوبير بشأن المنتخب الثاني والذي يستعد للمشاركة في البطولة العربية بدولة قطر.

وكتب أحمد حسن عبر صفحته بموقع التواصل الاجتماعي فيس بوك: «شوبير طالع يدينا نصيحة على الهواء وردي هيكون هنا على الهواء..لو حابب تتطوع بنصيحة فأكيد رقم تليفوني معاك وكمان أرقام السادة المحترمين في اتحاد الكرة المصري ولو كانت النصيحة صادقة ولوجه الله أكيد نتقبلها ونشكرك كمان .. لكن طالما الكلام على الهواء فالرد هيكون على شوبير هنا على الهواء».

وتابع: «لمعلوماتك أنا أعمل مديراً لمنتخب مصر المشارك في البطولة العربية (بتكليف ومتطوعا دون أجر) في محاولة لرد جزء للمكان الذي صنع اسمي وتاريخي كلاعب أنهى مسيرته بلقب عميد لاعبي العالم أما بالنسبة لقصة هزاري أنا و عصام الحضري في القصة دي فهو أمر معتاد من سنين والجميع يراه ويشاهده».

وأكمل: «ولم نراك يا كابتن يا كبير يوما تنصح أو تعترض ولكن طبعاً كلنا فاهمين دفعاك بقوة واستماتة واعتراضك ليه !!كابتن اهدى شوية ونصيحتي ليك ركز في شغلك انت بس ووفر نصايحك لحاجة تانية علشان الموضوع مش مستحمل فتن وخناقات جديدة وكفاية اللي بنشوفه وبيحصل كل يوم وانت سيد العارفين».