هرم مصر - احتفلت الفنانة مي فاروق، اليوم الثلاثاء، بعيد ميلادها الـ 43 على طريقتها الخاصة، فهي من مواليد 9 سبتمبر 1982.

وفي هذا السياق، وجهت مي فاروق، عبر حسابها الرسمي بموقع تداول الصور والفيديوهات «إنستجرام»، رسالة في عيدميلادها الـ 43، قائلة: «النهارده عيد ميلادي، ممتنه لكم جدا لكل الحب اللي شايفاه في بوستاتكم وكلامكم وحبكم اللي دايما بيوصلني».

وأضافت مي فاروق: «أما عني أنا أحب أقول لنفسي، أنا فخوره جدا بما أنا عليه الآن وممتنة جدا لله علي كل نعمة من سنين وأنا صغيرة حلمت حلم كبير ومكنتش عارفة مكتوب لي أحققه وللا لا فضلت وراه وبفضل ربنا قدرت أحققه وأحقق أكتر من اللي تخيلت إني أقدر عليه».

وتابعت: «فخوره بكوني أم حقيقية لأولاد تشرف وأتمنى أكون دايما ضهر لهم ومشرفاهم، فخورة إني زوجة لرجل محترم مش سهل يبقى فيه زيه كتير في زمننا ده، فخورة إني قادرة أخرج من حياتي اي حد سام وربنا بيبعده عني، فخوره اني كنت ابنه باره لأهل عظماء سابوني وهم راضيين عني».

وأشارت مي فاروق، إلى شعورها بالسعادة تجاه حياتها، قائلة: «ممتنه لله جدا علي كرمه وعوضه ليا دايما الجميل في كل حاجه، شكرا لله علي كل ما أنا عليه الآن واتمني اكون دايما للأحسن، شكرا لكل اللي قابلوني وحبوني من قلوبهم انتم كنز حقيقي، شكرا أمي وابويا علي رضاكم عني كنت اتمني وجودكم للأبد عشان تفرحوا بيا بس دايما دعواتكم محاوطاني».

آخر أعمال مي فاروق

وأطلقت مي فاروق مؤخرا أغنية جديدة من أغاني ألبومها «تاريخى» تحمل اسم «بنات الخلق»، وذلك عبر موقع الفيديوهات «يوتيوب»، ومختلف منصات الموسيقى.

والأغنية من كلمات عبد الرحمن محمد، وألحان مدين، وتوزيع موسيقى يحى يوسف، هندسه صوتيه وميكس وماستر مصطفي رؤوف، جيتار مصطفى أصلان.

وجاءت كلمات أغنية «بنات الخلق» كالتالي:.

«بتبعد عن عيون الناس.. وحابسة نفسها في أوضة

بتتجرد من الإحساس.. تشوفها تقول دي محسودة

ده حتى قلبها الأبيض.. بقى جواه نقط سودا

طريق الحب ضيعها وما وصلهاش.. لبيت جواه أمان مليان بأحلامها

بقت واحدة تبصلها متعرفهاش.. بقت حاسه إن كل الناس هتألمها».

اقرأ أيضا:

«أنا اللي مشيت».. مي فاروق تطرح أغنية جديد من ألبومها «تاريخي»

مدين يستعد لطرح أغنيتين جديدتين بالتعاون مع مي فاروق وزينب حسن

«بنات الخلق».. مي فاروق تطرح أحدث أعمالها الغنائية | فيديو