هرم مصر - أبدى أسامة حسني، نجم الأهلي السابق، تحفظه على التصريحات الأخيرة التي أدلى بها حسام غالي، عضو مجلس إدارة النادي، بشأن تعرضه لحملات تشويه من بعض الأطراف داخل المنظومة، مشيرًا إلى أن التوقيت غير مناسب، وأن المناخ داخل الأهلي يحتاج إلى الهدوء والتماسك في المرحلة الحالية، ويستعرض تحيا مصر التفاصيل. 

اسامة حسني يعلق على تصريحات حسام غالي 

وقال أسامة حسني في تصريحات صحفية: “أنا مش متفق مع تصريحات حسام غالي الأخيرة، لأن مفيش انتخابات دلوقتي داخل الأهلي علشان نتكلم عن تصفية حسابات أو محاولات تشويه، المناصب داخل النادي الأهلي حق مشروع لأي حد عنده الكفاءة والقدرة، لكن الأهم من كده هو إننا نحافظ على استقرار الكيان”. 

وتابع: “إحنا في فترة حساسة جدًا، سواء من ناحية البطولات اللي الفريق بيشارك فيها أو من ناحية الاستعداد للموسم الجديد، والتصريحات دي ممكن تخلق حالة من التوتر أو الانقسام، وإحنا مش محتاجين ده دلوقتي”. 

وأوضح حسني أن الأهلي كيان كبير قائم على المبادئ والمؤسسات، وأن أي شخص داخل المنظومة يجب أن يضع مصلحة النادي فوق أي اعتبارات شخصية، مضيفًا أن الحديث عن وجود مؤامرات أو أطراف تحاول "إبعاد" شخص معين من الصورة لا يخدم النادي ولا يليق بتاريخه.

حسام غالي: فيه ناس بتحاول تشوه صورتي عند جمهور الأهلي

 كشف حسام غالي، عضو مجلس إدارة النادي الأهلي، عن تعرضه لمحاولات منظمة لتشويه صورته أمام جماهير النادي، خاصة بعد تصاعد الحديث عن كونه من أبرز الأسماء المرشحة لتولي رئاسة الأهلي في المستقبل.

وقال حسام غالي: “فيه ناس بتضربك في ضهرك كتير أوي، وبيحاولوا يبوظوا صورتي عند جمهور الأهلي، اللي هو الجمهور اللي شايف إني ممكن أبقى رئيس النادي، يبدأوا يشوهوا فيا عشان يقنعوا الناس إني لا أصلح، بس الحقيقة، أنا أقدر أقف قدام الناس دي واقف جامد جدًا، بس لو عملت كده، هضطر أطلع حاجات مش حلوة خالص”.

وأضاف: “أنا مش هرد بنفس الأسلوب، لأن ده مش أسلوبي، ومش ده اللي اتعلمته في الأهلي، لكن ده ما يمنعش إني شايف كل حاجة، وعارف مين بيعمل إيه، وإمتى”.