هرم مصر - رد خالد الجوادي المترجم السابق لمارسيل كولر مرب الأهلي السابق، على الهجوم الذي تعرض له من الجماهير، وذلك بعدما كشف أسرار أوضة اللبس للقلعة الحمراء.

تحيا مصر، وكتب خالد الجوادي عبر حسابه الرسمي"فيس بوك": بصراحة كنت ناوي اتجاهل التعليقات السلبية، و اللي وصلت الى حد الاتهامات، و التجريح واكتب توضيح واحد بعد نزول الجزء الثاني من الحلقة، ولكن، بصراحة كم الظلم و الافتراء خلاني مليان كلام كتير فقلت اطلع جزء من اللي جوايا قبل نزولها".

وتابع قائلاً:" الاتهام الاول: أول مترجم في تاريخ الاهلي يطلع يتكلم في الاعلام، و يحكي كذب و اللي بيقوله أما مش متابع أو مدلس  اكبر ٣ مترجمين في تاريخ النادي، وافضلهم من وجهة نظري استاذ محسن طنطاوي، و أستاذ أحمد عبده و د. عمرو محب كلهم على رأسي، و أساتذة بنتعلم منهم الشغلانة لهم لقاءات إعلامية لا حصر لها، و منهم اللي عمل بودكاست مع شادي حبشي نفسه و ادخل على يوتيوب و شوف بنفسك و حسيب لك امثلة بسيطة في تعليق، فبلاش افتراء عليا".

وواصل قائلاً:" اتهام كذب زي اللي قبله أعضاء لجنة التخطيط و مديرين الكورة و رئيس الاسكاوتنج  طلعوا و حكوا عادي جداً، و حكوا تفاصيل التفاصل عادي و منهم في قناة النادي نفسها تفاصيل صفقات و عقوبات و قصص لا حصر لها، فبلاش افتراء علي بجد".

 وأردف قائلاً:" الا لو المعترضين شايفين اللل له حق الكلام الا العبد لله يبقى تبقوا صرحاء و تقولوها كده عشان اعرف أرد".

وأكمل قائلاً:" أما الاتهام الثالث: دي غاوي شهرة ومريض شهرة، اللي غاوي شهرة ده يطلع كل يومين في الاعلام، يفتح قناة على يوتيوب و يقعد يحلل كل يوم ـو بعد كل ماتش، و اتعرضت عليا بالمناسبة و رفضتها".

وأستكمل قائلاً:" ده انا قناتي على يوتيوب الموجودة قبل شغلي في الاهلي "تاريخ مصر أرض كمت"، ما رجعتش اعمل فيديوهات عليها تاني و عن تاريخ مصر عشان محدش يقول ده عايز يظهر، و خلاص و غاوي ظهور و ده بقى يقودنا للاتهام الرابع".

وتابع قائلاً:" الاتهام الرابع: ده بيطلع كل شوية و كفاية بقي، إيه الظلم ده أنا ما طلعتش على الشاشة الا مرتين فقط مرة في اغسطس ٢٠٢٤، و الثانية الأن بودكاست شادي حبشي سبتمبر ٢٠٢٥ يعني آخر مرة من سنة و شهر مرتين فقط لا خمسة، و لا كل شوية بطلوا افتراء و ظلم بقى".

وتابع قائلاً:" الاتهام الخامس: ازاي تطلع أسرار أوضة اللبس و دي خيانة أمانة، التعبير ده مكنش موجود في الميديا،  تم اختراعه مخصوص عشاني من سنة و بيتم استخدامه حصري معايا اللي بيتحكي لا أسرار حربية و لا معلومات بتضر أي حد كلها قصص توضح انك معك إدارة عظيمة، و كان عندك جهاز عظيم في فترة تاريخية، و الناس مشيت ولاعيبة مشيت من سنتين و تلاتة و تجربة انتهت و حبيت نوثق لحظاتها الحلوة بس أسرار دي حاجة تانية خالص الأسرار اللي بجد بقى و اللي اعرفها حتدفن معايا في القبر، و مفيش بني آدم حيعرف انها اصلا لها وجود".