هرم مصر - تحدث عمرو جمال عن معاناته مع المثالية الزائدة والتي يريد أن يكون عليها دائما، مشيرا إلى أنه كان يعتقد أن ذلك شيء جيد وكان يفخر به، حتى أدرك مدى صعوبته وإرهاقه وأنه شيء مجهد يمكن أن يستنزف حياة البني آدم.

عمرو جمال: كنت طول الوقت مثالي لحد ما فهمت أن الموضوع مجهد 

وقال عمرو جمال في منشور رصده موقع تحيا مصر على حسابه الرسمي بموقع تبادل الصور والفيديوهات انستجرام:  انت كد كده "عمرك ما هتبقى Perfect” انا طول عمري بحب التفاصيل وبحب كل حاجه اعملها اعملها باخلاص شديد ودايما عايز الحاجات تبقي "Perfect” وزمان كنت بتفشخر اوي وأنا بقول “أنا Perfectionist”، لحد ما فهمت قد إيه الموضوع ده مجهد وممكن يخلص على حياة البني آدم.

وتابع عمرو جمال حديثه: لأن الإنسان بمقدراته المحدودة بيحاول يصدق إنه ممكن يتحكم في كل حاجة… فيضغط نفسه إنه يعمل كل حاجة بأحسن شكل يا إما ما يعملش خالص. وبما إن محدش يعرف أصلًا إيه “أحسن شكل”، فاللي بيحصل إننا بنأجل ونصوف أبسط الحاجات اللي ممكن نعملها دلوقتي لاننا شايفنها "مش مكتمله" ومش عارفين نصدق ان الحاجات البسيطه بتاعة النهاوده ممكن نبقي حاجات كويسه لو اتحط عليها حاجات بسيطه بكره وبعده.

عمرو جمال: احنا كبشر محدودين مش عارفين نشوف الصورة كاملة

وأضاف: بحس المشكله ان احنا كبشر محدودين مش عارفين نشوف الصوره كامله أو متعلقين بصوره في دماغنا كلها اوهام عن "الشئ الكامل" من وجهه نظرنا، وبالنسبالي الواحد اللي مش عايز يتحرك دلوقتي عشان عايز لما يتحرك يعمل عظمه، عامل بالظبط زي اللي سايق عربيه في طريق ضلمه وكشافات العربيه منوره ١٠٠ متر بس قدامه وهو رافض يمشي عشان مش شايف باقي الطريق.

واستكمل حديثه: في جمله بتريحني اوي لما الحاله بتاعه الـ "perfectionism” بتجيني وهي “انت كده كده مش هتعمل حاجة perfect”فبالتالي كل اللي في إيدك إنك تعمل أحسن حاجة تقدر عليها في اللحظة دي. وبعدين تعمل أحسن حاجة تقدر عليها في اللحظة اللي بعدها.

امشي الـ١٠٠ متر اللي انت شايفهم دلوقتي وامشيهم كويس، وصحصح كده وركز فاللي تقدر تعمله دلوقتي، ومتشغلش بالك اوي المكان اللي انت عايز تروحه ده هيبقي “perfect” ولا لأ، لأن ببساطة ممكن البنزين يخلص في أي لحظة.. والسؤال ساعتها: استخدمته في إيه؟.

آخر أعمال عمرو جمال

يذكر أن آخر اعمال عمرو جمال مشاركته في مسلسل ما تراه ليس كما يبدو من خلال حكاية انت وحدك، وذلك إلى جانب الفنانة تارا عماد ونخبة من نجوم الفن الآخرين، والتي حققت نجاحات ساحقة وردود فعل إيجابية من قبل الجمهور.