هرم مصر - خرج محمد فضل شاكر، نجل الفنان فضل شاكر، للرد على تصريحات المطرب راغب علامة الأخيرة والتي قال بها أنه لم يمسك سلاح أو يقتل أحد يهاجمه حتى يشن الجمهور حملة هجوم عنيفة عليه، ليراها نجل فضل شاكر بأنه يقصد بتلك التصريحات والده.

محمد فضل شاكر: راغب علامة كان عايز يحل المشاكل بينه وبين والدي وهو رحب بده

وقال محمد فضل شاكر في منشور رصده موقع تحيا مصر عبر حسابه الرسمي بموقع تبادل الصور والفيديوهات انستجرام: وصلي من كام يوم إن فيه حملة معمولة على والدي على السوشيال ميديا من قبل فنانين وإعلاميين حاقدين على والدي، ووصلي من ناس مقربين مشتركين بيننا إن الفنان راغب علامة عايز يحل المشاكل اللي بينه وبين فضل شاكر، ووالدي رد عليك إنه معندوش مشكلة يحل موضوعه معاك، برغم إن بقالك 13 سنة مسبتش وسيلة  إعلامية غير لما شهّرت بينا من خلالها وقولت كلام كتير، لو قلبنا الأدوار هنلاقي إنك مكنتش هتستحمل ده، وبرغم كدة والدي وافق على الصلح وقلنا صفحة وقلبناها.

محمد فضل شاكر لـ راغب علامة: أبويا مسك سلاح وقت ما مكنش ف حد يحمينا

وتابع محمد فضل شاكر: بس نلاقي فيديو جديد ليك بتقول أنا مش بقتل ومش بمسك سلاح، هو أبويا إمتى قتل؟ أنا أبويا مسك سلاح وقت ما مكنش في حد يحمينا، لكن لا قتل ولا سرق.

واختتم محمد فضل شاكر حديثه: إحنا معندناش مشاكل نتصالح معاك لكن لازم أنت تتصالح مع نفسك الأول، 13 سنة ولا مرة طلعنا نرد عليك ولا نتكلم عنك، بالعكس كنت في حفلاتي بغني أغانيك، رسالة إن إحنا ماعندناش مشكلة معاك.

تصريحات راغب علامة 

وكانت قد قال راغب علامة في لقاءه لـ et بالعربي، ردا على حملات الهجوم عليه: أنا مش بمسك سلاح ولا بقتل حد اتكلم عليا، أنا أؤمن بالقانون والقضاء والقانون يستطع إنه ياخدلي حقي وحق ناس كتير لأن مشاكل السوشيال ميديا زادت جدا مؤخرا، لدرجة إني فكرت أمسك تليفون من غير سوشيال ميديا.