هرم مصر - كعادتها، وجهت الفنانة سما المصري رسالة إلى أحد الأشخاص الذين عرضوا عليها إقامة عمرة بدون مقابل، وذلك بعدما أخذت خطوة ارتداء الحجاب، مشيرة إلى أنها عندما تريد زيارة بيت الله ستقوم بذلك من خلال أموالها الخاصة التي جمعتها بالحلال.

سما المصري توجه رسالة مثيرة 

وكتبت سما المصري في منشور رصده موقع تحيا مصر عبر حسابها الرسمي بموقع تبادل الصور والفيديوهات انستجرام:مش يبعتلي انه عايز يطلعني عمره علي حسابه انا لما اروح ازور بيت الله وقبر الحبيب ها طلع من فلوسي الحلال لما ربنا يكرمني اكثر واجيبها من شغلي واللي عايز يساعدني بجد يبعتلي رساله هنا اعمل اعلان لو عنده اي منتج غير كده كتر الف خيركم انا مش هاروح المس الكعبه بفلوس غيري. شكرا.

حقيقة عمل سما المصري في شركة عقارات 

وكانت قد تصدرت سما المصري التريند بعد انتشار أنباء تفيد توظيفها في شركة عقارات بمبلغ 50 ألف جنيها شهريا، وبالفعل ظهرت سما في تلك الشركة أثناء عمل إعلان لها.

وخرجت سما المصري وأوضحت الحقيقة، قائلة: مشتغلتش في شركة بـ 50 ألف جنيه ولا بـ 50 جنيه حتى ده كان مجرد إعلان لشركة عقارات والراجل مشكورا لما لقاني توبت ولبست الحجاب وبقول انا عايزة اشتغل شغل حلال ربنا يباركله قال يساعدني، وقالي تشتغلي في الشركة معايا بس انا مبفهمش في شغل العقارات وقولتله مش هعرف اكون موظفة بمرتب واصحى بدري فرفضت الشغل وبعدين اتفقنا اني هعمله اعلانات للشركة لكن مفيش قبض 50 ألف جنيه.

سما المصري تعلن توبتها 

وكان قد أعلنت سما المصري مسبقا توبتها وارتداءها الحجاب، فقالت في فيديو عبر تيك توك: استروا عليّا.. اللي عنده فيديو وحش ليا يشيله أنا تعبانة ومش قادرة أعيش، تبت لربنا وربنا تاب عليا. يا رب تقبلها مني علشان خاطري. أنا مش هبيّن شعري ولا جسمي تاني. ساعدوني، أنا هقفل كل حاجة وهاكسب بالحلال.

وتابعت في تصريحات لموقع تحيا مصر: محدش سبب في حجابي ولا حد اثر عليا ألبسه انا من زمان كنت دائما بافكر البسه ودا كان واضح من بعض بوستاتي الخاصه بالحجاب بس اللي كان مانعني الفتره اللي فاتت اني كنت خائفة البسه احسن مااعملش بيه ولا التزم في لبسي بس لما اخدت قرار ارتدائه نويت باذن الله التزم باللبس اللي يتناسب مع الحجاب.