هرم مصر - تصدرت الإعلامية مفيدة شيحة محركات الاكثر بحثا على موقع جوجل الشهير وذلك بعد احتفالها الغريب بعيد ميلاده الـ 54، حيث وجهت رسالة لنفسها وهي منهارة من البكاء، تودع من خلالها أعمارها الماضية.

مفيدة شيحة تتصدر التريند بسبب عيد ميلادها

وظهرت مفيدة شيحة في فيديو رصده موقع تحيا مصر عبر موق التواصل الاجتماعي فيسبوك، تحتفل من خلاله بعيد ميلادها مع الجمهور، حيث قالت فيه: النهاردة تميت 54 سنة، أطلب مني أني أقول كلم لمفيدة في عيد ميلادها.. ناس كتير ممكن تتوقع أن دا تمثيل، أو أنه غرور، بس في حقيقة الأمر أنا فخورة بيكي جدًا، أنا فاكرة كويس لما كنت 25 سنة وكنت لسه والده منه، وكان عندى أمال كبيرة جدا عايزة أعملها، ونفسي أعمل حاجات كتير جدًا بس مكنتش عارفة أروح فين وأجي منين، والحياة تأخدني وتوديني، وأقول للست الجميلة إللى قاعدة قدامي، برافو بجد، فرحانة وفخورة بيكي جدًا.

مفيدة شيحة: حققت كارير وبيت وأهل 

وتابعت: حققت كارير وكنت شاطرة فيه جدا، وحققت بيت وأهل وتأمينهم كان حلم حياتي، راعيت أمي لحد ما اتوفت محتاجتش حاجة، وعلمت بنتي أحسن تعليم لحد ما أخدت الماجيستير وكان دا أمل حياتي، وجوزتا وعملت كل اللي اختارته وكل حاجة نفسها فيها بالفستان بالمكان والعريس ونفذتهولها، وكل دا وحافظ على نفسي على مفيدة وكرامتها على عزت نفسها، أنا مترجتش حد ولا اتنازلت لحد، في كل اللي وصلتله، عشان كدا بقول لنفسي برافو، وعملت ستات ماركت ونجحت فيه جدًا.

ووجهت مفيدة شيحة رسالة لنفسها جاء فيها: كنتي ست بـ 100 راجل وعملتي كل الأدوار دي ونجحتي، وحجيت وعقبال ما أشوفك 60 سنه ويبقي فاضلك اللي بتتمنيه من ربنا الستر والصحة والحفيد إللى يطبطب على قلبك.

احتفال مفيدة شيحة بـ عيد ميلادها 

كان احتفال مفيدة شيحة بـ عيد ميلادها مفاجئ للجمهور والذين تفاعلوا مع الفيديو بشكل كبير جدا من خلال خاصية التعليقات، خاصة بعد بكاء مفيدة شيحة أثناء حديثها عن نفسها وهو ما ينم عن تعبها في السنوات الماضية لتصل إلى ما عليه الآن.