هرم مصر - تحدث الفنان أحمد سعد خلال لقاءه في برنامج معكم والذي تقدمه الإعلامية منى الشاذلي على شاشة قنوات أون، عن سبب لجوءه لطبيب نفسي، مشيرا إلى أنه كان يسعى دائما لإرضاء الآخرين على حساب نفسه، وهذا ما اكتشفه في شخصيته وتسبب له في ضغط كبير.

أحمد سعد يتحدث عن لجوءه لطبيب نفسي

وقال أحمد سعد في تصريحات رصدها موقع تحيا مصر: بروح لطبيب نفسى واكتشفت عيوب لشخصيتى عن طريق الطبيب، زي اني عندي وهى إنى مش عارف أشوف شخصيتى، وأهم عيب فيا إنى كنت براضى الآخرين على حساب نفسى، مكنتش بستمتع بحاجات كتير، المتعة هى أنك تكون أنت ونفسك ومش مصطنع علشان ترضى الناس اللى حواليك.

وتابع أحمد سعد حديثه: كنت بسأل نفسى أنا الشخص المتدين ولا المش متدين ولا اللى بيلبس كده وميلبسش كده؟، ورحت لطبيب نفسى علشان يجيبنى على الأسئلة دى، وبعدها عرفت أنى لما بقابل حد بطبع على شخصيته.

أحمد سعد: كان عندي هوس الظهور

وأكد أحمد سعد في حديثه: أنا كمان بحكم شغلي كان عندي حب الظهور دايما وبسعى اني في القاعدة أكون الجوكر اللي بيضحكهم وده عملي ضغوطات جدا.

وتحدث أحمد سعد عن طفولته، مشيرا إلى أن والدته ربتهم على العمل من الصغر، كما أنه قرر أن ينفرد بنفسه في عمر ـ 14 عام، لذا لم يعش الطفولة التي كان يعيشها من في سنه،  موضحا:  كنت 14 سنة وبروح أشتغل واغني في أفراح.. كنت عايز اثبت لأهلي إني مش أقل من اخواتي وعشان كمان كانوا رافضين دخولي الوسط الفني، فكنت عايز أوريهم اني ناجح بأي طريقة.

أحمد سعد يوجه نصيحة للجمهور

ووجه أحمد سعد نصيحة للجمهور، قال فيها: بقولها بوضوح مبنصحش حد يعمل كده أبدا، ولو الزمن رجع بيا مكنتش سبت البيت، والمتعة مش في النجاح ولا في الناس، المتعة الحقيقية إنك تكون ذاتك، تكون شخص مش مصطنع، وتعيش بصدق مع نفسك.

يذكر أن أحمد سعد يستعد لاول مرة لإحياء حفل غنائي رفقة نجم الجيل تامر حسني وذلك في باريس بيوم 7 من شهر نوفمبر المقبل.