لبلبة: بستغرب اهتمام الفنانين الجداد بالسوشيال ميديا والرضا أحلى حاجة فيا

حلت الفنانة لبلبة ضيفة على برنامج معكم والذي تقدمه الإعلامية منى الشاذلي على قناة أون، في حلقة خاصة ومميزة للغاية وذلك بعد تألقها الكبير في فيلم آل شنب والذي تم عرضه في السينمات المصرية منذ أيام.

لبلبة: أنا تلقائية زيادة عن اللزوم ومش قادرة اشيل الطفلة اللي جوايا 

وبدأ لبلبة ضيافتها في برنامج معكم منى الشاذلي بإشعال المسرح برقصها المتميز على أغنية دقي يا مزيكا، خاطفة انظار المتواجدين، ثم تحدت عن تلقائتها، قائلة: أنا تلقائية زيادة عن اللزوم وبعمل حاجات وأرجع تاني اتصدم وأقول أنا ازاي عملت كدة بس وعمري ما خوفت من مواجهة الناس هما بيحبوني جدا وبيقدروني وأول مرة طلعت فيها على المسرح كان عندي 6 سنين كانوا فكرني كبيرة وأما شافوا حاجة صغيرة الناس صقفت جامد فخوفت ودخلت.. أنا وقتها شوفت سعادة الناس فبقيت اركز على فرحتهم طول الوقت.

وتابعت لبلبة في حديثها الذى رصده موقع تحيا مصر، نفسي أشيل احساس الطفلة اللي جوايا عشان بعمل تصرفات المفروض ماعملهاش.. واتعملت من صغري ما أبصش لغيري.

لبلبة: أحلى حاجة فيا الرضا وعايشة أسعد الناس 

واضافت لبلبة: أحلى حاجة فيا الرضا اللي جوايا وبحب كل الناس وبهني أي زميلة ليا تعمل شغل حلو ولو مش معايا رقمها بجيب رقمها وأكلمها، ووالدتي كانت دايما تقولي انتي موجودة دلوقتي عشان سعادة الناس.. وبقى ده هدفي في الحياة.

وتطرقت لبلبة بالحديث عن أعمالها الفنية، قائلة: أنا عاملة 93 فيلم ولسة فيه فيلمين هيتعرضوا ومش أي كلام يتكتب عني يبقى مظبوط وبستغرب جدا الفنانين الجداد أنهم بيهتموا بالسوشيال ميديا عادي افرحوا وشاركوا مش ده المهم المهم هو هيستمر ولا لا؟، أصعب حاجة يتقابل الفنان هو هسيتمر ولا لا، عشان كدة بحب الناس تشوفني في حاجة مختلفة، عشان اعيش وعمري الفني يطول لازم تعمل شكل جديد في أدائي.

لبلبة في فيلم آل شنب 

يذكر، أن لبلبة تألقت في فيلم آل شنب إلى جانب كلا دم النجوم ليلى علوي ،سوسن بدر، أسماء جلال، محمود البزاوي، خالد سرحان وغيرهم عدد من نجوم الفن وضيوف الشرف، وفيلم آل شنب من إخراج أيتن أمين وهي إحدى مخرجات مسلسل سابع جار الذي حقق نجاح مستمر معه حتى الآن.

وتدور أحداثه في إطار عائلي اجتماعي كوميدي، حول ليلى التي تعاني من سيطرة والدتها وبعد وفاة أحد أفراد العائلة تضطر ليلى السفر مع والدتها وتتقابل العائلة بعد فترة طويلة من الغياب وتتوالى الأحداث في هذا الإطار، وتقابلهم العديد من المواقف الكوميدية الطريفة.