علّق شريف إكرامي، حارس مرمى الفريق الأول لكرة القدم بنادي بيراميدز، على تتويج فريقه بلقب دوري أبطال إفريقيا على حساب صن داونز الجنوب إفريقي، بعد الفوز في مجموع المباراتين 3-2.

شريف إكرامي: كلمة مبروك مش كفاية لكل لاعبي بيراميدز

وقال شريف إكرامي، في تصريحات عبر صفحته على «إكس»: «كلمة مبروك مش كفاية لكل لاعبي بيراميدز الأبطال.. مبروك مش كفاية للجهاز الفني وللإدارة على تحقيق الحلم والإنجاز التاريخي».

وأضاف: «أول بطولة إفريقية بالحجم ده في تاريخ النادي.. حلم كبير اتحقق ولقب غالٍ جديد يُضاف للكرة المصرية.. مش سهل أبدًا على فريق غير جماهيري يحقق اللي اتحقق».

شريف إكرامي: الفرحة المرة دي مختلفة

وقال: «فخورون جدًا، مش بس عشان البطولة، لكن عشان ده حلم كبير أوي بقى حقيقة، ودليل إن رغم كل الظروف، فالإصرار والاجتهاد يقدروا يصنعوا واقع جديد».

وتابع: «بيراميدز حفر اسمه وسط الكبار.. فخور بلقب دوري الأبطال الرابع في مشواري، بس الفرحة المرة دي مختلفة، والنجاح له طعم ومعنى تاني».