وجه مجلس نقابة المهن الموسيقية برئاسة الفنان مصطفى كامل، رسالة إلى الفنانة أنغام، يعرب من خلالها عن سعادته البالغة بعودتها إلى مصر، بعد تجاوزها الوعكة الصحية الأخيرة التي على إثرها خضعت لعملية جراحية لاستئصال جزء من البنكرياس في ألمانيا.
وقالت النقابة في بيان، إن النقابة تتمنى لها دوام الصحة والعافية وأن تواصل تألقها ومسيرتها الفنية الراقية التي أسعدت بها الملايين داخل مصر والوطن العربي.
رسالة أنغام لجمهورها بعد أزمتها الصحية
وكانت أنغام، خلال الساعات الماضية وجهت رسالة شكر لكل من وقف بجانبها وقدم لها الدعم المعنوي، خلال رحلتها مع المرض، الذي على إثره خضعت لعملية جراحية لاستئصال جزء من البنكرياس.
ونشرت الفنانة أنغام تسجيل صوتي لها عبر حسابها الرسمي على موقع التواصل الاجتماعي فيسبوك، وقالت:« صباح الخير أنا فكرت أكتب ولا أتكلم بصوتي، وحسيت إني محتاجة أتكلم معاكم بصوتي وأقولكم لكل حد وقف جانبي ودعالي من قلبه، وكل شخص اكتشف أنه بيحبني أو حتى مكانش بيحبني وقرر بإنسانيته وحنيته وقلبه أنه يدعيلي ويدعمني في المحنة اللي عديت بيها، بشكركم من كل قلبي انتم دعيتوا وربنا استجاب، دعائكم كان هو الدوا والإيد اللي بتطبطب والحنية، وهو اللي وقفني على رجلي بعد ربنا وبعد الدكاترة".
وأضافت: «مش عارفة أقول إيه ومش عارفة أتكلم، ومش عارفة مبكيش من فرحتي ومن الامتنان والشكر لله وليكم اللي مالي قلبي دلوقتي واللي موقفني على رجلي، انتوا دعيتم لـ أنغام يمكن وكمان دعيتم لأم اتمنت من ربنا إنها تكمل شوية عشان تكمل حياة أولادها وتفرح بيهم وترجع تعيش وسطيهم، كان كل خوفي إني أسيب ولادي، ماكنتش عايزة حاجة كنت بدعي لربنا أرجع ليهم وأكمل معاهم شوية، عديت بمحنة صعبة جدا عليا وشديدة، بس شكرا لله اللي حط في قلوبكم كلكم الحب: زملائي، وأصدقائي، واخواتي ومحبين بيحبوني لله وجمهور بيحب أنغام اللي بتغني كبير قوي وعظيم قوي ونادر الوجود ونادر ما يكون فيه قلوب بالجمال والصدق والحنية دي».
اقرأ أيضاً
«قلبي مش سايعني».. أول تعليق لـ تارا عماد على ردود أفعال حكاية «أنت وحدك»«إنسانة قوية وهتولعي المسارح».. كارول سماحة توجه رسالة لـ أنغام بعد أزمتها الصحية
0 تعليق