رد الإعلامي أحمد شوبير، على حالة الجدل المُثارة حول موقف نجله من حراسة عرين الفريق الأول لكرة القدم بالنادي الأهلي ومنتخب مصر، خلال الفترة المقبلة، كاشفًا خطؤه الأوحد خلال الفترة الماضية، بسبب أحد المواقف المتعلقة بالحارس.

مصطفى شوبير «حارس كويس» وحقه يلعب

قال شوبير في برنامجه «مع شوبير»، المُذاع عبر راديو «أون سبورت إف إم»: «انسوا إن مصطفى شوبير اسمه مصطفى أحمد شوبير، وخلونا نقول إن اسمه مصطفى أحمد عبدالعزيز، ومفيش شوبير دي خالص، هل حارس كويس؟ أيوة حارس كويس، حارس عنده 25 سنة، ومن حقه إنه يلعب ويكون موجود ويدخل المنافسة والتنافس لصالح النادي والمنتخب».

وأضاف: «مصطفى بينافسه حارس كبير اسمه محمد الشناوي، وفي النهاية اللي هيحسم الأمر ريبيرو في الأهلي، وحسام حسن في المنتخب، فالموضوع محسوم، أما كثرة الكلام مستحيل هتأثر على اختيارات المدرب، والأخطاء موجودة وواردة، أما الكلام إنه لسه حارس واعد، إزاي طيب، وهو عنده 25 سنة».

شوبير يعترف بخطأ بسبب نجله

وأوضح شوبير: «من أول يوم وأنا قلت إني مش هتكلم على مصطفى شوبير، ومرديتش غير مرة واحدة، وأخطأت لما اتكلمت ورديت، لأن الموضوع مكانش يستحق خالص، وخلاص الموضوع خلص وراح لحاله».