تحدث أحمد حسام ميدو، عضو لجنة التخطيط السابق بنادي الزمالك، عن التشكيل الأفضل لفريق الكرة الأول، عقب التعادل أمام المقاولون العرب، في اللقاء الذي جمع الفريقين بالجولة الثانية من مسابقة دوري nile للمحترفين، أمس السبت، على ملعب ستاد القاهرة الدولي.

ميدو يكشف التشكيل الأفضل للزمالك في الدوري 

وأكد «ميدو» عبر حسابه الشخصي على منصة «إكس»: «الزمالك عنده فريق محترم، وجاب لاعيبه كويسة، وكل المشاكل اللي كانت بتواجه الفريق بره الملعب وكانت مأثره علينا بشكل كبير، معظمها اتحل، رأيي إن الزمالك أفضل دفاعيا من الأهلي وبيراميدز، ودلوقتي الفريق عنده دكة كويسة، بس لازم نلعب بأحسن 11 ويتثبتوا».

وأوضح: «لازم نلعب بحارس مرمى ثابت، هو محمد صبحي، بالإضافة إلى عمر جابر، ومحمود حمدي الونش، وحسام عبدالمجيد، ومحمود بنتايج، ومحمد شحاتة، والفلسطيني آدم كايد، وناصر ماهر، وشيكو بانزا، وجوان ألفينا، وعدي الدباغ، وعبد الله السعيد يلعب آخر نص ساعة، مفيش إلا ماتشين الأهلي وبيراميدز بس اللي ممكن تلاعب شحاته 8 فيهم، غير كده مع احترامي لكل فرق الدوري، مفيش ولا فرقة عندها اللاعيبة يعني اللي تخليك تلعب بدونجا وشحاتة مع بعض في نص الملعب».

الزمالك يتعادل سلبيا مع المقاولون العرب 

وحسم التعادل السلبي، نتيجة مباراة الزمالك والمقاولون العرب، التي جمعتهما أمس السبت، في الجولة الثانية من مسابقة دوري nile للمحترفين.