حرص ناصر ماهر، لاعب الفريق الأول لكرة القدم بنادي بيراميدز، على توجيه رسالة مؤثرة لنادي الزمالك بعد رحيله عن صفوف الفارس الأبيض، خلال فترة الانتقالات الشتوية الجارية.

وأعلن نادي بيراميدز، مساء اليوم الأربعاء، بشكل رسمي التعاقد مع ناصر ماهر، لتدعيم صفوف النادي السماوي، استعدادًا للبطولات المحلية والإفريقية.

وكتب ناصر ماهر على صقحته الرسمية على موقع التواصل الاجتماعي «إنستجرام» بالتالي: «مش عارف أبدأ منين، لأن في حاجات مش سهلة تتقال، خصوصًا لما تكون بتتكلم لجمهور عظيم زي جماهير الزمالك داخل القارة وخارجها».


وأضاف: «اسمحولي أعبر عن حبي واحترامي ليكم، والله مش مجرد كلام.، من أول يوم دخلت فيه النادي وأنا حاسس إن المكان ده فيه حاجة تتحب، 
يمكن عشان ده كيان كبير، 
أو عشان لاعبين كبار وشخصيات محترمة بتتحمل أكتر من أي حد، 
أو عشان الجمهور المختلف بأجواءه ودعمه ومتعتُه، 
بس في الآخر الكوره ممكن تخليك تسيب مكان انت بتحبه وده جزء من اللعبة، أنا بحبكم جدًا والله».

وواصل:«النهارده آخر يوم ليا في نادي الزمالك، النادي إللي تشرفت إني ألبس التيشيرت التاريخي بتاعه، ودافعت عنه بكل إخلاص وحب».

وواصل:
«إنتوا خلتوني نجم بجد، ودايمًا بقول إن ربنا أكرمني بجمهور الزمالك، يمكن الرحلة خلصت دلوقتي بسبب ظروف النادي الصعبة، 
وأتمنى أكون جزء ولو بسيط في حل الأزمة الماليا، واقدر أساعد النادي، 
لأن الزمالك كبير ويستحق إن الواحد يضحي عشانه، 
وبالنسبة لي، الرحلة لسه فيها فصل تاني، إمتى؟ الله أعلم، بشكر كل زملائي اللاعبين الرجالة بجد في كل المواقف، 
وبشكر إدارة النادي الزمالك برئاسة الكابتن حسين لبيب، وبشكر جميع المدربين اللي تدربت معاهم».

وزاد: «شكراً. ك چون ادواردشكراً ك. عبد الناصر محمدشكراً ك احمد سليمان اللي خلاني اكون متواجد داخل نادي الزمالك 
وكمان بشكر الأوفياء… جمهور الزمالك العظيم، الداعم الأول للنادي».

وأتم: «آخر حاجة هقولها: أنا دخلت النادي وقلت «أنا بحب الزمالك»، 
ودلوقتي وأنا ماشي بقول:
هفضل أحب الزمالك».