رحمة أحمد .. استحوذت الفنانة رحمة أحمد، على اهتمام فئة كبيرة من الجمهور عبر منصات التواصل الاجتماعي خلال الساعات القليلة الماضية، ذلك بعدما كشفت عن رغبتها في اعتزال العمل الفني، مشيرة إلى انها واجهت الكثير من الصعوبات بهذه المهنة.

اعتزال رحمة أحمد الفن

وكشفت رحمة أحمد، عبر حسابها الرسمي بموقع التواصل الاجتماعي «فيسبوك»، أسباب اعتزالها الفن، قائلة: «ما كدبش عليكم، حاولت كإنسانة عادية أتكيف وأحاول أمشي أموري، بس ما عرفتش، في حاجة جوايا في ضميري ممكن تكون مش صح في الدنيا دي خلتني معرفش أعمل كده».

وأضافت رحمة أحمد: «معرفتش أتسلق، ولا عرفت أستغل مشاعر واحد ليا وأطلع عليه، ولا عرفت أعشم حد كان في إيده مساعدة ليا لحد ما أخد مصلحتي وأطير، ما عرفتش، أنا أصلًا مش عارفة بقول كل الهري ده ليه».

وتابعت رحمة أحمد: «بس أنا حاسة إني بموت، ومش عايزة أموت وأنا شايلة في قلبي حاجة زي اللي مشيوا في عز شبابهم، عايزة أمشي وأنا خفيفة، أنا متشكرة جدًا لأي حد ساعدني في الوسط ده، حتى لو بتشجيع معنوي، أو حاول يديني فرصة حتى لو صغيرة».

وواصلت: «أو حد قالي إنتي شاطرة، ده اللي كان بيخليني أكمل وكان بيخليني أحس إني موهوبة، برغم شكي دايمًا في موهبتي، ومش مسامحة أبدًا أي حد اتكلم في ضهري وأنا أصلًا في حالي، ولا حد كان في إيده يساعدني وهو عارف إني أستاهل، ولا حد جه وساومني على شغل وكان عايز مني خدمة تانية غير إني أكون ممثلة، وأي حد وقفلي شغل علشان ما مسكتش الطبلة».

واختتمت: «عايزة أقول حاجة بسيطة للناس، الفنان المصري أكتر فنان مظلوم وأكتر فنان موهوب، وكل العالم بيحترمه، خصوصًا إنه بيشتغل في ظروف صعبة جدًا، وبالراحة على الناس شوية، لأن في ناس ممكن يتكسر قلبها وتموت من كلمة إنت فاكرها عادية، وكلمة كومبارس اللي إنت فاكر إنك بتجرحني بيها دي، إنت ما تعرفش في كواليسها أنا كنت بطلة وقوية إزاي».

اقرأ أيضا:

أحمد زاهر ضيف معتز التوني في «فضفضت أوي»

السعودية تعلن وفاة صاحب السمو الأمير فيصل بن تركي آل سعود

برسالة دعم ضد حملات التشويه.. رضوى الشربيني تساند ياسمين عبد العزيز