عبرت الإعلامية مفيدة شيحة، عن فخرها بمشوارها المهني والاجتماعي، وأمومتها، وتغلبها على مصاعب الحياة، وذلك تزامنا مع حلول ذكرى ميلادها الـ 54 عام.

ووجهت مفيدة شيحة، رسالة دعم لنفسها بمقطع فيديو نشرته عبر حسابها بموقع «إنستجرام»، قالت فيه: «النهاردة اتممت 54 سنة، أطلب مني أني أقول كلمة لمفيدة في عيد ميلادها.. ناس كتير ممكن تتوقع أن دا تمثيل، أو أنه غرور، بس في حقيقة الأمر أنا فخورة بيكي جدًا، أنا متذكرة جيدا عندما كنت بعمر 25 سنة وكنت لسه والده منه، وكان عندى أمال كبيرة جدا عايزة أعملها، ونفسي أعمل حاجات كتير جدًا بس مكنتش عارفة أروح فين وأجي منين، والحياة تأخدني وتوديني، وأقول للست الجميلة إللى قاعدة قدامي، برافو بجد، فرحانة وفخورة بيكي جدًا».

وأضافت: «حققت كارير وكنت شاطرة فيه جدا، وحققت بيت وأهل وتأمينهم كان حلم حياتي، راعيت أمي لحد ما اتوفت محتاجتش حاجة، وعلمت بنتي أحسن تعليم لحد ما أخدت الماجيستير وكان دا أمل حياتي، وجوزتا وعملت كل اللي اختارته وكل حاجة نفسها فيها بالفستان بالمكان والعريس ونفذتهولها، وكل دا وحافظ على نفسي على مفيدة وكرامتها على عزت نفسها، أنا مترجتش حد ولا اتنازلت لحد، في كل اللي وصلتله، عشان كدا بقول لنفسي برافو، وعملت ستات ماركت ونجحت فيه جدًا».

تابعت: «كنتي ست بـ 100 رجل وعملتي كل الأدوار دي ونجحتي، وحجيت وعقبال ما أشوفك 60 سنه ويبقي فاضلك اللي بتتمنيه من ربنا الستر والصحة والحفيد إللى يطبطب على قلبك».

اقرأ أيضاً
لبنى عبد العزيز: العمل مع شكري سرحان تجربة مجهدة.. ورشدي أباظة شخصية مختلفة

بعد رحلة علاج.. أنغام تُعلن عودتها الفنية بليلة استثنائية من لندن |تفاصيل