هرم مصر - حرصت المطربة المتألقة مي فاروق على الاحتفال بـ عيد ميلادها، والذي يحل اليوم الأربعاء الموافق 10 من شهر سبتمبر الجاري، موجها رسالة شكر لجمهورها وأصدقائها على دعمهم الدائم لها، ومؤكدة أن لولاهم لم تكن لتصل لما عليه الآن.

مي فاروق: ممتنة لكل الحب اللي شيفاه في بوستاتكم.. وفخور بما انا عليه الآن 

وكتبت مي فاروق في منشور عيد ميلادها والذي رصده موقع تحيا مصر على حسابها الرسمي بموقع تبادل الصور والفيديوهات انستجرام: عيد ميلادي ممتنه لكم جداااا لكل الحب اللي شايفاه في بوستاتكم وكلامكم وحبكم اللي دايما بيوصلني وأما عني أنا احب اقول لنفسي أنا فخوره جدا بما أنا عليه الآن وممتنه جدا لله علي كل نعمه من سنين وانا صغيره حلمت حلم كبير وما كنتش عارفه مكتوب لي أحققه وللا لا.

وتابعت مي فاروق حديثها: فضلت وراه وبفضل ربنا قدرت أحققه واحقق اكتر من اللي تخيلت اني اقدر عليه فخوره بكوني أم حقيقيه لأولاد تشرف واتمني اكون دايما ضهر لهم ومشرفاهم فخوره اني زوجه لرجل محترم مش سهل يبقي فيه زيه كتير في زمننا ده فخوره اني قادره اخرج من حياتي اي حد سام وربنا بيبعده عني.

مي فاروق: فخورة ابنة بارة وكنت اتمنى وجود ابائي للابد 

واضافت مي فاروق: فخوره اني كنت ابنه باره لأهل عظماء سابوني وهم راضيين عني ممتنه لله جدا علي كرمه وعوضه ليا دايما الجميل في كل حاجه شكرا لله علي كل ما أنا عليه الآن واتمني اكون دايما للأحسن شكرا لكل اللي قابلوني وحبوني من قلوبهم انتم كنز حقيقي شكرا أمي وابويا علي رضاكم عني كنت اتمني وجودكم للأبد عشان تفرحوا بيا بس دايما دعواتكم محاوطاني.

ووجهت الشكر لشقيقها وأصدقائها والجمهور، قائلة: شكرا اخويا ومراته وولاده شكرا ولادي وجوزي وعيلتي الحلوه المحترمه اللي في حياتي شكرا فريق عملي اللي هم اصبحوا من أفراد عيلتي علي حبكم وصدقكم في كل حاجه شكرا اصحابي اللي هم عيلتي علي حقيقتكم وحبكم اللي بجد مش تمثيل شكرا من كل قلبي لجمهوري اللي حبني ودعمني واحترمني من ساعة ما ابتديت لحد يومنا هذا شكرا لكل فرد فيكم وفي الاخر شكرا لنفسي انها طلعت اقوي بكتير مما تخيلت.

منى فاروق تكشف عن أمنيتها في عيد ميلادها 

واختتمت منى فاروق في رسالتها بـ عيد ميلادها، بالكشف عن أمنيتها، قائلة: امنيتي اقدر اكمل المشوار مع ولادي لحد ما يبقوا قد الدنيا كلها واكون دايما حسنة السيره وطيبة الأثر بحبكم قوي قوي قوي.