هرم مصر - شاركت الفنانة اسما شريف منير صور جديدة لها بالحجاب وذلك عبر حسابها الرسمي بموقع تبادل الصور والفيديوهات انستجرام، متحدثة عن صعوبة الخطوات التي تأخذها ولكن في المقابل يوجد بركة وخير كبير من حولها.

أسما شريف منير بعد ارتداءها الحجاب: مكنتش خطوة سهلة

وكتبت أسما شريف منير في منشور رصده موقع تحيا مصر عبر حسابها الرسمي بموقع تبادل الصور والفيديوهات انستجرام: الحمدلله قلبي مليان امتنان وكل يوم بحس إني عايزة اعمل أكتر وأكبر، يمكن الطريق مش سهل بس كل خطوة فيها بركة وخير واللي جاي لسة أجمل بإذن الله.

يذكر أن أسما شريف منير قد أعلنت في 7 سبتمبر ارتداءها الحجاب، حيث كتبت في منشور عبر انستجرام: الحمد لله.. مكنش عندي غير طرحة واحدة وطقم واحد بس يليق بالخطوة دي، بس كنت حاسة من جوايا إن دي الخطوة الصح، الحجاب مش مجرد لبس، ده قرار من القلب، عهد بيني وبين ربنا، وراحة ما تتوصفش".

أسما شريف منير تطلب الدعاء لها بالثبات 

وطلبت أسما من جمهورها الدعاء بالثبات، قائلة إنها ما زالت في بداية هذه الرحلة الروحية وتحتاج إلى دعم معنوي ومساعدة في اختيار ملابس محتشمة تتماشى مع قرارها الجديد، مضيفة: "ادعولي بالثبات... ومحتاجة أماكن فيها لبس حلو يساعدني أكمل الطريق ده".

وسبق وتصدرت أسما شريف منير محركات البحث بعدما أعلنت عن زواجها للمرة الثالثة، مشيرة إلى أن العوض أتى لها، موضحة: "كنت دائما بقول يارب اختارلي ولا تخيرني".

أسما شريف منير: اتجوزت وده قرار جه قعد فترة طويلة 

وقالت أسما شريف منير: أنا الحمد لله اتجوزت وده قرار جه بعد فترة طويلة من رحلة عشتها مع نفسي من حاجات كتير قوي اتعلمتها تجارب دخلت فيها اختيارات وصلت لها حاجات بقيت بحبها، وحاجات ما بقيتش بحبها. فهمت نفسي أكثر اتعرفت على نفسي أكثر، فهمت أنا محتاجة إيه من الجواز، إيه المهم وإيه اللي مش مهم، إيه اللي محتاج مجهود وإيه اللي مش محتاج مجهود.

وتابعت: عمري ما كنت أتخيل إني هتعرف على أحمد إزاي ولا إن إحنا لما تعرفنا على بعض إن إحنا كنا هنتجوز أصلاً أو أي حاجة. وحتى أنا بيني وبين نفسي عشان كان عندي يقين، كنت عارفة إني هتجوز وكنت قائلة إن أنا هتجوز في تاريخ معين يوم 255-5-5. كنت خلاص بقول للناس كلها إن ده يوم فرحي وإن أنا هتجوز اليوم ده، وأصلاً ما كانش فيه حد في حياتي خالص من كتر يقيني إن ربنا هيبعت لي حد وإنه هيرزقني بالزواج الصالح اللي يريح قلبي ويعوضني ويحسسني بالأمان وبالاحترام وبالاحتواء.