حلت الفنانة ريم مصطفى، ضيفة على برنامج معكم التي تقدمه الإعلامية منى الشاذلي، وتحدثت خلال الحلقة عن بعض الشائعات التي طالتها خلال الفترة الماضية، كما تحدثت عن مواصفات الشخص الذي تود الارتباط به، بالإضافة إلى العديد من الأشياء الأخرى.

ريم مصطفى: إشاعة جوازي من محمد صلاح فرحتني

وتحدثت ريم مصطفى عن شائعة زواجها  قائلة: إشاعة جوازي من اللاعب محمد صلاح فرحتني وأنا عمري ما شُفته في الحقيقة، واتضايقت من إشاعة إني سبب طلاق أصالة وطارق العريان لأن أصالة حبيبتي وشام صحبتي ودي كانت أول إشاعة تطلع عليا.

وتابعت ريم مصطفى عن حياتها الشخصية: حياتي الشخصية مقفلاها عليا، وده لما الإنسان بيكون عنده نضج ووعي بخبرات حياتية كتيرة.

وقالت ريم: بدور على الشخص الحلو وكل ده بس لازم يكون صديق قبل ما يكون زوج ويكون عنده نضج فكري، والحاجات دي دلوقتي مش سهل حد يلاقيها، وارتبطت بأشخاص كتيرة توكسيك أعمل لها كتاب، وده بعيد عن أبو أولادي.

وتابعت ريم: أنا مش عاوزة أدخل تجربة فاشلة لأن نفسيًا مش عايزة أكمل في علاقة مش هتضيف ليا سعادة.

وعن فيلمها التسجيلي نقطة تلاقي، أوضحت ريم مصطفى: فهمت من الفيلم تاريخ بلدي كلها وقد إيه بلادنا كبيرة، وجبل موسى لما وقفت عليه حسيت بطاقة كبيرة لأن ده المكان اللي كلم  فيه ربنا سيدنا موسى وكان في طاقة حلوة هناك وأنا فخورة بالعمل ده.

المصدر القاهرة 24