خرج أحمد مصطفى زيزو، نجم نادي الزمالك السابق، بتصريحات نارية، عن علاقته بنادي الزمالك خلال الفترة الأخيرة.

وينتهي عقد زيزو مع الزمالك بنهاية الموسم الجاري 2024/2025 في وقت لم يصل به لاتفاق نهائي بعد مع مجلس إدارة ناديه بتمديد التعاقد.

زيزو يخرج عن صمته ويكشف حقيقة توقعيه لـ الأهلي

وكتب زيزو عبر “استورى علي صفحته الرسمية  علي إنستجرام، ” الحمد لله انا راجل بحترم كل الناس.. لكن للأسف عدم ردي علي المعلومات المغلوطة، والتزامي الصمت زاد عن حده”.

واضاف: ” كل ساعة خبر عن توقيع أو تجديد عقد زيزو. وكل واحد بيغازل الشريحة اللي عايزها من الجمهور”.

وشدد:” بكل وضوح أنا لم أوقع لأي نادي سواء داخل أو خارج مصر. اللي حصل على توقيعي يتفضل يعلن ، إذا كان كلامه صحيح،  كمان اللي عنده دليل على توقيعي لأي نادي برضو يتفضل يطلعه على الملأ”.

واردف:” الناس لازم تعرف كويس. انا بقدر جدا الكيان الكبير اللي أنا بلعب فيه، ولا يمكن أنكر فضله عليا”.

واكمل:” كن فيه حاجة أنا مكنتش حابب أتكلم فيها خال,  لأنه للأسف الأمور في الإعلام كلها في إتجاه واحد، ليه محدش اتكلم عن حقوقي المشروعة زي أي لاعب في الدنيا .. ليه محدش اتكلم إن الناس سابتني بقالها شهور طويلة ومش عايزين يجددوا عقدي.

واسترسل:”ليه محدش اتكلم عن المستحقات المتأخرة اللي ليا بقالها كتير. ومش لاقي حد يجاوبني، ليه محدش اتكلم انه التجديد المرة دي جاي في مرحلة متقدمة من عمري بالنسبة للعيبة الكورة، ولعيب الكورة مهما طول عمره قصير في الملعب”.

واكمل:”محدش كمان اتكلم أنه ربنا سبحانه وتعالى أنعم عليا بعروض مقابلها المالي 10 أضعاف العرض اللي موجود، ورغم كل ده، قلت وهفضل أقول أنا منتظر كلمة النادي،  ورد لاعتبارات كتير مش لتجميل الصورة”.

وواصل:”الجماهير لازم تكون عارفة الحقيقة، زيزو مش بيزايد، ولا بيتاجر لكن لازم الطرف الثاني يكون عايزني أكمل وتتكون فيه استجابة لحاجة من المعروض عليا على الأقل”.

واشار:”لكن للأسف الكلام معايا حاجة، واللي بيتقال للإعلام حاجة تانية،أنا مينفعش أجرح في حد ولا أتكلم في حق حد، لأن اللي بيتقال في الجلسات عيب يتقال برة، على الأقل من ناحيتي”.

واردف:”أنا مستني رد النادي لحد آخر يوم في الكونفدرالية”.وأتمنى ربنا يكرمنا بيها أنا وزمايلي. وأي كلام هيتقال غير كدة في موضوع التجديد أو التوقيع قبل الموعد ده  هيكون كلام غير صحيح”.

واختتم قائلا:”رسالتي الودية جدا للمسئولين في النادي اللي أنا بحترمهم جميعا، أتمنى الحوار في مسألة تجديد العقد يكون بيني وبينكم، مش عن طريق الإعلام، وأنا كنت ولا زلت واضح معاكم في كل اللي اتكلمت فيه من أمور عادلة تساعدنا على اننا نكمل الطريق. شكرا على تفهمكم موقفي